Inshort Category: Haram / Halal

Ji haan Le sakte hai, ye sood nahi hota. Hindustan ke kafir harbi hai. Islye agar koi yahan ke kafir ko qarz de kar zyada raqm li jaye yani. ek kafir ne zaid se kaha, ki tum mujhe 5000 Rs. Do, me apko wapas karte waqt 6000 Rs. Dunga to zaid ke haq me ye zaaid 1000 sood nahi. Aur ise sood samjhna logo ki ghalat fehmi hai.

Hazrat Faqih e Millat Mufti Muhammad Jalaluddin Amjadi (alaihirrehma) Fatawa Faiz ur Rasool Jild:2 Safah:391 par farmate hain:
Yahan ke kafiron ko qarz dekar, za'id raqm lena JAIZ HAI.

Agar Downloading Film, Gaane Baje, Behuda Tasveeron ki, ki jayegi to zarur aisa karna haram hai, aur agar downloading naat, sunni ulama ki taqareer, byan, bejaan ki tasveer (Kaaba, Madina) wagaira ki, ki jaye to jaiz.

Na Mehram Se Hath Milana Jaiz Nahi Hai Lihaza Riwaaj Ki Parwah Nahi Ki Jayegi, Shadi Me Sharab Ka Bhi Riwaj Hai To Wahan Bhi Pi Loge? Dj Ka Bhi Riwaj Hai To Naach Loge?

Explanation Me Bhi Files Ki Videos Clip Add Hoti Hain, Jisme Actor Actoress Beparda Hoti Hai Aur Music Bhi Hota Hai Lihaza Use Dekhna Jaiz Nahi, Aur Fir Wo Koi Zaroorat Bhi Nahi, Ye Fizul Kaamo Me Padna Hai.

Aisa Tel Jisme Suar Ki Charbi Mili Ho Aur Ye Sabit Shuda Baat Ho To Istemal Karna Aise Tel Ka Jaiz Nahi.

Bina Ijazat Kisi Ka Bhi Wi-Fi Istemal Karna Jabki Wo Aam Istemal Ke Liye Na Ho, Chori Hai Aur Chori Haram Hai, Jitna Istemal Kiya Utna Paisa Padosi Ko Dena Hoga Warna Usse Muaf Karwana Hoga Aur Muafi Bhi Mangni Hogi.

Apko Ek Cup Chaye Me Halka Se Zeher De Diya Jaye To Chalega Kya? Thik Waise Hi Music Music Hai Halka Ho Ya Bhari.

Maujooda Daur Me Jaise Taziya Aur Unka Mamla Hai Wo sab Najaiz Aur Gunah Wale Kam Hain Isi Tarah Dhol Bajana Bhi Khel Tamasha Karna Hai Taziye Me Ho Ya Shadi Me.

Masturbations (Mushtzani) Roze Aur Roze Ke Alawa Bhi Karna Haram Hai.

Aisi Farzi Mazar Jahan Asal Me Qabar Na Ho Wahan Jana Haram Hai.

Tauba Kar Li Sahi Kiya, Qasam Sirf Allah Aur Quran Ki Hoti Hai.

Kufr Shirk Nahi Hai, Magar Qasam Sirf Allah Hi Ki Lazim Hoti Hai Ya Quran Ki.