Inshort Category: Peeri Mureedi

Ek Shakhs Ek Hi Peer Se Mureed Ho Sakta Hai Baki Peer Se Talib Ho Sakta Hai.

Hanbali Peer Se Bayt Hone Ke Liye Hanbali Hona Zaroori Nahi, Mureed Aap Tariqat Me Hote Hain Fiqhi Eitbar Se Hanafi Rehna Chahiye.

Laga Sakte Hain Raza Aur Attari Qadri Bhi.

Jinse Mureed Hain Wo Hi Likhe, Agar Dono Ka Silsila Ek Hi Hai To Fir Qaudri Likhna Kafi Hai.

Agar Peer Sahab Ki Umar Kafi Hai Maslan 70-80 Saal Ke Hain To Shayad Gunjaish Nikal Sakti Hai Ya Fir Murida 10-10 Saal Ki Hain To, Warna Nahi.

Jis Peer Ne Logo Ke Samne Ye Bayan Kiya Ki Ye Salam Huzoor e Pak Ke Liye Nahi Hai Balki Ala Hazrat Ne Apne Ghar Walo Par Likha Hai To Aise Peer Ke La-Ilm Hone Me Koi Shak Nahi. 

Aur Mera Yaqin Hai Ki Aise Peer Sahab Us Salam (Jisme 150+ Ashar Hain) Ke 10 Sher Ke Sahi Matlab Bhi Bayan Nahi Kar Sakte, Lihaza Peer Ke Liye Aalim Hona Shart Hai Jo Aalim Nahi Wo Rehbar Nahi.

Phone Par Peer Sahab Se Mureed Hona Jaiz Hai.

Ji Haan Jis Shakhs Se Bait Hona Hai Uska Hayat Hona Zaroori Hai Tabhi Unse Mureed Ban Sakte Hain.

Nahi, Kisi Peer Ka Ya Peer Ke Mazar Ka Tawaf Karna Haram Hai.

Walidain Ki Ijazat Ke Bina Mureed Ban Sakte Hain Usme Koi Harj Wali Bat Nahi.

Tasweer Jandar Ki Lagana Jaiz Nahi, Aur Mera Mushahida Hai Ki Warsiyo Ke Ghar Aksar Tasweer Jo Waris e Pak Ki Hoti Hai Wo Parde Me Dadki Hoti Hai Lihaza Lagana Fir Bhi Ghalat Hai, Kyun Ki Wo Taziman Lagai Jati Hai, Shariat Sabke Liye Yaqsa Hai. Albatta Aisi Jagah Jahan Tasweer Dhaki Ho To Namaz Me Karahat Nahi. 

Ji Haan Kisi Ka Mureed Banne Se Pehle Kisi Bhi Bashara Shaikh Se Talib Ho Sakte Hain.